sadia shamim ملازمت پیشہ خواتین کو درپیش مسائل
سعدیہ شمیم آرٹیکل پاکستان میں ملازمت پیشہ خواتین کو درپیش مسائل بطور انسان عورت برابری چاہتی ہے۔جو کہ اس کا حق ہے۔خواتین کے حقوق کا مسئلہ روز بروز شدت اختیار کرتا جارہا ہے۔ اس کی وجہ یہ ہے کہ وقت کے ساتھ ساتھ عورت کا سماجی کردار تبدیل ہوا ہے۔ وہ گھرداری سے نکل کر سماج کے دیگر شعبوں میں بھی بڑے پیمانے پر داخل ہو گئی ہے۔ انہیں معاشرے میں مختلف انداز میں مختلف شعبہ میں دیکھا جاسکتا ہے۔ آج بھی عورت تعلیم میں مردوں سے کسی طور پیچھے نہیں ہے بہت سے شعبہ میں خواتین نے اپنی صلاحیتوں کا لوہا منوایا ہے ۔تعلیم میں آگے ہونے کے باوجودآج بھی عورت کے لیے بہت سے منافع بخش شعبوں میں نوکریوں کا تناسب بہت کم ہے۔ اس تبدیلی کے پیچھے انسانی شعور کے ساتھ ساتھ معاشی اور سائنسی ترقی بھی ہے۔ اب ہم نئے سائنسی اور معاشی دور میں داخل ہو چکے ہیں۔ اسی صنعتی انقلاب کی وجہ سے خواتین کے عالمی دن کی ابتداء 1900میں ہوئی ۔ اور خواتین ا پنے حقوق اور برابری کا مطالبہ کرنے لگیں ۔انیسویں اور بیسویں صدی میں ہی عورت کو ووٹ کا حق ملا۔ نیوزیلینڈ پہلا ملک تھا جس نے 1883 میں عورت ووقٹ حق دیا۔ اس کے بعد عورت کے سیاسی حق ک...